Les mots surlignés font l'objet d'une note
1Monsieur, comme il vous ha pleu me loger en ce lyeu soubs
2voz commendementz, je nay peulx partir pour aller à vous sans
3vostre dispence et congié, dont sil vous playct mordonnerés
4par le capitene Chapois present porteur ce qui vous playrra
5et semblera bon, je dezirerès bien toutesfoys sil vous plaict
6le me permettre vous fayre entendre beaucoup dincommodes
7particullarités de ce lyeu que ne pourroy sy bien fayre par
8lettre, hayent toute honneste craincte de fayllir tant soybt
9peu en ce quil vous ha peu me commetre et dezirent bien
10vous satisfayre, monsieur, du mesme coeur quil vous ha
11pleu de vostre movement vous servir de quoy vous baysent
12très humblement la mein et supplient mon Dieu vous donner
13Monsieur en parfaicte senté contente et longue vie.
14De Chrest, ce vendredy matin, 17e jour doctobre
15Vostre humble et très asseuré serviteur
16et comme filz
17Deurre Doncieu
18sil ne vous playct monsieur me licencier daller à vous, vostre commendement et arrest me servira sil vous playct descuse envers monseigneur le mareschal à quy je veuls et à messeigneurs les siens, continuer pour jamays lhumble et très asseurée servitude que les miens et moy havons heus et porter à sa mayson et race